ഭ്രാന്തമായ ആരാധന. ഒടുവിൽ തന്റെ ആരാധികക്ക് സ്വപ്ന സഫലീകരണവുമായി ഗോവിന്ദ് പത്മസൂര്യ.

മലയാള ടെലിവിഷൻ പ്രേക്ഷകർക്കിടയിൽ ഏറെ സുപരിചിതമായ നാമമാണല്ലോ ഗോവിന്ദ് പത്മസൂര്യ. ഒരു അഭിനേതാവ് എന്നതിലുപരി ടെലിവിഷൻ അവതാരകനായും പരസ്യചിത്ര നിർമ്മാതാവായും താരം തന്റെ കഴിവ് തെളിയിച്ചിട്ടുണ്ട്. ജി പി എന്ന ചുരുക്കപ്പേരിൽ അറിയപ്പെടുന്ന ഗോവിന്ദ് പത്മസൂര്യ “അടയാളങ്ങൾ” എന്ന മലയാളം ഡ്രമാറ്റിക്കൽ സിനിമയിലൂടെയാണ് അഭിനയലോകത്ത് എത്തുന്നത്. ഒരിക്കൽ ഒരു അഭിമുഖത്തിനിടെ എങ്ങനെയാണ് ഗോവിന്ദ് പത്മസൂര്യ

എന്ന താൻ ജി പി ആയി മാറിയത് എന്നതിനെക്കുറിച്ചുള്ള രസകരമായ കാര്യങ്ങൾ താരം പങ്കുവെച്ചിരുന്നു. തന്റെ ഹൈ സ്കൂൾ പഠന കാലത്ത് വിവിധ സംസ്ഥാനങ്ങളിൽ നിന്നുള്ള വിദ്യാർഥികളായിരുന്നു തന്റെ സഹപാഠികളെന്നും ഒരിക്കൽ പഞ്ചാബിയായ ഒരു സുഹൃത്ത് വന്ന് തന്റെ പേര് ചോദിച്ചപ്പോൾ ഗോവിന്ദ് പത്മസൂര്യ എന്ന് താൻ പറയുകയും ചെയ്തു.എന്നാൽ അവനത് ഉച്ചരിക്കാൻ പ്രയാസമായതിനാൽ ജി പി എന്ന ചുരുക്കപ്പേരിൽ തന്നെ വിളിക്കുകയും ശേഷം കോളേജ്

sruj

പഠനകാലത്തും ശേഷം തന്റെ കരിയറിന്റെ തുടക്ക കാലത്തും മറ്റുള്ളവർ മുഴു പേര് വിളിക്കാൻ കൂട്ടാക്കാതെ ജി പിയായി തന്നെ മാറ്റുകയായിരുന്നുവെന്നും താരം പറയുന്നുണ്ട്. എന്നാൽ കഴിഞ്ഞ ദിവസം താരം പങ്കുവെച്ച വീഡിയോയാണ് പ്രേക്ഷകർക്കിടയിലും ആരാധകർക്കിടയിലും ഒരുപോലെ തരംഗമായിട്ടുള്ളത്. തന്നെ ജീവനോളം സ്നേഹിക്കുകയും ആരാധിക്കുകയും ചെയ്യുന്ന സഫ്ന എന്ന വിദ്യാർത്ഥിനിക്ക് നൽകിയ സർപ്രൈസ് വിസിറ്റിന്റെ

വീഡിയോയായിരുന്നു താരം പങ്കുവെച്ചിരുന്നത്. സഫ്നയുടെ ജീവിതത്തിലെ ഏറ്റവും വലിയ ആഗ്രഹം തന്നെ കാണുക എന്ന് മാത്രമായിരുന്നു എന്നും, ഈയൊരു കാര്യം കൂട്ടുകാരികളുമായി ചർച്ച ചെയ്തപ്പോൾ അവർ സഫ്നയെ കളിയാക്കുകയും ചെയ്തു എന്ന് താൻ അറിഞ്ഞപ്പോഴാണ് അവളെ തീർച്ചയായും സന്ദർശിക്കണമെന്ന് താൻ കരുതുന്നതെന്ന് ജി പി പറയുന്നുണ്ട്. മാത്രമല്ല ആരാധികയെ സന്ദർശിക്കാൻ പോകുമ്പോൾ അവൾക്കായുള്ള സ്നേഹ സമ്മാനങ്ങളും കരുതാൻ ജി പി മറന്നിരുന്നില്ല.